Ardıcıl Tərcümə

Ardıcıl tərcümə daha populyar olan şifahi tərcümə növlərindən biridir. Ardıcıl tərcümədə tərcüməçi məruzəçinin söylədiyi müəyyən nitq parçasını əvvəlcə eşidir, məruzəçi nitqini tamamladıqdan sonra isə həmin parçanı olduğu kimi digər dilə çevirir. Ardıcıl tərcümə zamanı adətən çıxışçı 1-5 dəqiqədən bir fasilə verir,mətnin tərcüməsi üçün şərait yaradır. Bəzi hallarda bu vaxt 10-15 dəqiqəyə kimi uzana bilər. Bu zaman tərcüməçi özü üçün qeydlər götürür. Biznes görüşlər və tədbirlər zamanı belə hallar da olur ki çıxışçı fasiləsiz olaraq uzun müddət danışır, sonra tərcümə üçün dilmanca üz tutur. Tərcüməçinin məzmunu yadda saxlamaq üçün yaddaşı kifayət qədər yükləndikdə məruzəçidən dayanmağı xahiş edə bilər.

Ardıcıl tərcümə nədir?

Ardıcıl tərcümə xidməti də özü-özlüyündə biznes görüşlər və rəsmi görüşlər formasında olur. Ardıcıl tərcümənin biznes görüşlər formasından şirkət rəhbərlərinin görüşlərində,kiçik təlimlərdə və ya kiçik açılış mərasimlərində istifadə olunur. Ardıcıl tərcümənin rəsmi formasından isə əsasən, dövlət orqanlarının, dövlət işçilərinın və fərdi şəxslərin müzakirələri, danışıqları zamanı istifadə olunur ki, burada tərcüməçinin nitqi daha rəsmi və publisistik danışıq dilində olur.

Ardıcıl tərcümənin digər bir növüdə admin tərcümədir. Admin tərcümə zamanı tərcüməçi bir və ya iki şəxsin yanında oturaraq alçaq səslə danışan məruzəçinin dediklərini tərcümə edir. Tədbirdə dili anlamayan 1 və ya 2 tərcüməçi varsa, administrativ tərcümə digər iştirakçıların fikirini yayındırmadan və tədbirin reqlamentini pozmadan tərcümənin həyata keçirilməsinə şərait yaradır.
Bu növ tərcümə əsasən görüşlər, danışıqlar, müzakirələr, məşğələ və təqdimatlar zamanı tərbiq olunur.
Digər tərcümə növləri kimi, ardıcıl tərcümənin də sahələr üzrə xüsusi tərcüməçiləri olur ki, tədbirin aid olduğu sahədən asılı olaraq tədbirlər üçün tərcüməçilər təyin edirik.
“